Via Nostra býður upp á sérsniðin staðnámskeið fyrir skóla og stofnanir um land allt. Námskeiðin eru skipulögð í samráði við hvern skóla og taka mið af þörfum starfsfólks, markmiðum skólans og þeim áskorunum sem við er að glíma.

Við leggjum áherslu á hagnýta fræðslu, virka þátttöku og verkfæri sem nýtast strax í daglegu starfi. Námskeið geta farið fram á vinnudögum kennara, starfsdögum eða öðrum hentugum tíma. Dæmi um námskeið:

• Vellíðan og seigla kennara
• Skapandi skil
• Námsmat og endurgjöf
• Nemendasjálfstæði
• Fjarnám og sveigjanlegt nám
• Alþjóðlegt samstarf og Erasmus+

Við aðstoðum skóla við að innleiða heimsmarkmið Sameinuðu þjóðanna á markvissan og hagnýtan hátt. Áherslan er á að tengja markmiðin við daglegt skólastarf, námskrá og verkefni nemenda.

Við bjóðum meðal annars:

• ráðgjöf um innleiðingu heimsmarkmiðanna,
• námskeið fyrir starfsfólk,
• þróun verkefna og kennsluefnis,
• tengingu við Erasmus+ og önnur alþjóðleg samstarfsverkefni.

Markmiðið er að gera sjálfbærni að eðlilegum hluta af skólamenningu og námi.

Tæknin þróast hratt og skapar ný tækifæri í kennslu og námi. Via Nostra veitir ráðgjöf og býður upp á námskeið um hvernig nýta má upplýsingatækni og gervigreind á ábyrgan, skapandi og árangursríkan hátt.

Við leggjum m.a. áherslu á:

• upplýsingatækni sem stuðning við nám,
• gervigreind sem stuðning við kennslu,
• skipulag kennslu og námsefnis,
• stafræna hæfni kennara og nemenda.

Markmiðið er að efla sjálfstraust kennara í notkun nýrrar tækni og sýna hvernig hún getur sparað tíma og aukið gæði náms.

Via Nostra hefur víðtæka reynslu af þróunarverkefnum og alþjóðlegu samstarfi. Við veitum ráðgjöf á öllum stigum styrkumsókna, allt frá hugmyndavinnu til framkvæmdar verkefna.

Við bjóðum meðal annars:

• ráðgjöf við Erasmus+ og Nordplus umsóknir,
• þróun verkefnahugmynda,
• gerð verkefnaáætlana og verkáætlana,
• umsóknarskrif,
• stuðning við framkvæmd og miðlun verkefna,
• ráðgjöf um önnur innlend og alþjóðleg styrkjakerfi.

Við vinnum með skólum og stofnunum að því að skapa verkefni sem hafa raunveruleg áhrif á nám, kennslu og skólaþróun.